Azərbaycan, Bakı, 11 noyabr / Trend , müxbir K. Zərbalıyeva / İraq hökuməti Azərbaycan sülhməramlılarının bu ölkədə sabitliyin yaranmasındakı rolunu yüksək qiymətləndirir.
"İraq hökuməti Azərbaycan sülhməramlılarının təntənəli yolasalma mərasiminə Azərbaycanın yüksək səviyyəli hərbi, mülki və parlament nümayəndə heyətinin gəlişini yüksək qiymətləndirir", - İraqın Azərbaycandakı səfiri Ərşad Ömər İsmayıl çərşənbə axşamı yaydığı məlumatda bildirib.
Azərbaycan prezidenti qanunvericilik təşəbbüsü ilə İraqdakı sülhməramlıların geri çağırılması ilə bağlı qanun layihəsini parlamentə göndərib. Azərbaycan Silahlı Qüvvələrinin İraqda Çoxmillətli Qüvvələrin tərkibində 150 hərbçisi var.
Azərbaycan sülhməramlıları İraqda 2003-cü ilin avqustundan indiyədək ən böyük bənd və su elektrik stansiyası olan "Hədisə"nin mühafizəsini həyata keçiriblər.
Səfir bildirib ki, Azərbaycan hökuməti ilk gündən İraqda yeni sistemi dəstəkləyib, bu ölkənin məruz qaldığı bütün terror hadisələrini pisləyib.
Yaxın günlərdə qanun layihəsi parlamentdə müzakirə olunacaq.
Məqalə müəllifi ilə əlaqə ünvanı:[email protected]
