Azərbaycan, Bakı, 21 noyabr / Trend , müxbir S.Kazımlı / Bakının Nizami rayonu ərazisində sahibkarlıqla məşğul olan şəxsin avtomobilindən külli miqdarda pul oğurlanıb. Hadisəni törədən şəxs oğurluğu avtomobilin şüşələrini sındırma yolu ilə törədib. Bu barədə Nizami rayon Polis İdarəsindən (RPİ) cümə günü Trend -a məlumat verilib.
RPİ-dən bildiriblər ki, bir neçə gün öncə naməlum şəxs rayonun Heydər Əliyev prospektində Bakı sakini Mehrab Kəlbiyevə məxsus "Toyota Prado" markalı avtomobildən 40 min dollar pul oğurlayıb.
Hazırda hadisəni törədən şəxsin müəyyən edilib tutulması üçün polis əməkdaşları tərəfindən əməliyyat-axtarış tədbirləri davam etdirilir.
Faktla bağlı Nizami RPİ-də Azərbaycan Cinayət Məcəlləsinin külli miqdarda ziyan vurmaqla oğurluq törədilməsi (177.3.2-ci) maddəsi ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
