Gürcüstan, Tbilisi, 28 noyabr/ Trend , müxbir N.Kirtsxaliya/ "Danimarka Gürcüstanın NATO-ya daxil olmasını dəstəkləyir və onun ərazi bütövlüyünü tam olaraq tanıyır", - Danimarkanın Baş naziri Anders Foq Rasmussen cümə günü Gürcüstan prezidenti ilə birgə mətbuat konfransında bildirib. "Biz öz mövqeyimizi dəqiq təsbit edir və ÜFP verilmədən Gürcüstanın NATO-ya daxil olmasını mümkün hesab edirik", - Baş nazir qeyd edib. Onun sözlərinə görə, o, "Rusiyanın təcridinin tərəfdarı deyil". "NATO Rusiyaya lazım olduğu kimi, Rusiya da NATO-ya lazımdır və bu anlayış Moskvada olmalıdır. Orada alyansa qarşı birtərəfli addımlar atılmamalıdır. Biz hamımız birlikdə Avropada təhlükəsizliyin təmin edilməsinə can atmalıyıq", - danimarkalı Baş nazir hesab edir.
Rasmussenin sözlərinə görə, ABŞ-da Barak Obamanın hakimiyyətə gəlməsiylə Rusiya-Amerika münasibətlərinin dəyişməsi "az ehtimal olunur".
Müəlliflə əlaqə saxlamaq üçün elektron ünvan: [email protected]