...

Azərbaycan müxalifətinin yeni hərəkatı yarana bilər

Siyasət Materials 17 Dekabr 2008 16:55 (UTC +04:00)

Azərbaycan, Bakı, 17 dekabr/ Trend , müxbir A. Hüseynbala/ Azərbaycanda demokratiya böhranını həll etmək üçün müxalifətin yeni bir hərəkatı yarana bilər.

"Mənim müxalif siyasi qurumların liderləri ilə son görüşlərimdə daha çox bu məsələ müzakirə olunub", - çərşənbə günü Trend - a müxalif Xalq Partiyasının sədri, Müsavat deputat qrupunun üzvü Pənah Hüseyn bildirib.

Trend - un arayışı: Demokratiya Uğrunda İttifaqda təmsil olunan Klassik Xalq Cəbhəsi Partiyasının sədri Mirmahmud Mirəlioğlu bir müddət əvvəl Azərbaycan Demokrat və Müsavat partiyalarının rəhbərələri Sərdar Cəlaloğlu və İsa Qəmbərlə təkbətək görüşündə müxalifətin yeni formada inteqrasiyası ilə bağlı məsələhətləşmələr aparıb.

Müxalifətin Əməkdaşlıq Mərkəzində təmsil olunan Müsavat və Azərbaycan Xalq Cəbhəsi partiyaları da müxalifətin gələcək əməkdaşlığını nəzərdə tutan layihələr hazırlayıblar.

Müxalifətin Əməkdaşlıq Mərkəzinə "Azadlıq" bloku (Azərbaycan Xalq Cəbhəsi, Liberal, Vətəndaş və İnkişaf partiyaları), Müsavat Partiaysı və "Azərbaycan Naminə" İctimai Forum (ANİF) daxildir. Sentyabrın əvvəlində bu siyasi təşkilatlar oktyabrın 15 - də keçirilən prezident seçkisini qanunsuz tanımaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri - legitim elan edilib.

Seçkidən sonra müxalifətin daha geniş koalisiyada birləşməsi istiqamətində danışıqlar başlasa da, qarşılıqlı ittihamlar üzündən müxalifətin geniş koalisiyasının yaranması baş tutmur.

Onun sözlərinə görə, həmin hərəkatın geniş modeli tapılmalıdır.

"Müxalifətin yeni yaranacaq birliyi daha çox bu istiqamətdə formalaşmalıdır. "Azərbaycan Naminə" İctimai Forumun rəhbəri Eldar Namazovla bir neçə gün əvvəlki görüşümdə bu istiqamətdə geniş fikir mübadiləsi aparmışıq", - Hüseyn əlavə edib. Müxalif partiya sədrinin fikrincə, yeni hərəkatın yaranması nə ondan, nə də Namazovdan asılı deyil. Hüseyn Forumun rəhbərinin güc mərkəzi olmaması ilə bağlı iddialarla da razılaşmayıb. "O, vaxtilə hakimiyyət elitasına daxil olub, kifayət qədər tanınmış adamdır, müxtəlif istiqamətlərdə fəaliyyət göstərir. Namazovun müxalifətin yeni birliyində təmsil olunması ancaq ümumi işə xeyir gətirəcək. Çünki o,təklikdə real gücdür", - deputat deyib.Hüseyn qeyd edib ki, özünü müxalifət adlandıran, hakimiyyətin oyunlarının açıq-aşkar işitirakçısı olmayan bütün şəxslərin əməkdaşlığına ehtiyac var: "Bu, seçki bloku, siyasi blok, hətta hərəkat da ola bilər".

Azərbaycanda vaxtilə müxtəlif adlar altında müxalifətin yaratdığı hərəkatların fəaliyyətinin nəticəsiz olmasına gəldikdə, Xalq Partiyasının sədri bununla razılaşmır.

Demokratiya Uğrunda İttifaqı 2005 - ci il parlament seçkisindən sonra müxalifətçi Klassik Xalq Cəbhəsi, Azadlıq, Milli Demokratiya partiyaları yaradıb. 2008-ci il sentyabrın əvvəllrəində Böyük Azərbaycan, noyabr ayında Xalq partiyaları DUİ-yə üzv qəbul olunub. İttifaq bu partiyaların məşvərət və əməkdaşlıq qurumudur.

Məqalə müəllifi ilə əlaqə ünvanı: [email protected]

Xəbər lenti

Xəbər lenti