Azərbaycan, Bakı, 26 dekabr / Trend , müxbir T.Cəfərov/ İranın 100 saniyəlik film festivalının katibi bildirib ki, İranın 6-cı beynəlxalq 100 saniyəlik film festivalında Azərbaycandan 20 film iştirak edəcək.
Dekabrın 22-dən 25-dək Bakıda tələbə filmlərinin 5-ci "Start" Beynəlxalq festivalı keçirilib. Festivalda Azərbaycan, Türkiyə, Gürcüstan, İran, Rusiya, Belarus, Misir və digər ölkələrin tələbə-rejissorları iştirak ediblər. Müxtəlif ölkələrin peşəkar kinematoqrafçılarından ibarət Münsiflər Heyəti kinofestivala təqdim olunan 200 filmdən yalnız 50 film seçib.
"Start" festivalında iştirak edən İranın 100 saniyəlik film festivalının katibi Behnam Bahaduri Trend -a bildirib ki, 6-cı beynəlxalq 100 saniyəlik film festivalı 2009-cu il fevralın 19-20-də Tehranda keçiriləcək.
Onun sözlərinə görə, festivalda Azərbaycan, Türkiyə, Belarus, Tacikistan , Rusiya, Suriya, Livan , BƏƏ və bir sıra Avropa ölkələr iştirak edəcək.
" "Start" Beynəlxalq kinofestivalı çərçivəsində Azərbaycan rejissorlarının əsərlərini qəbul edib, özümlə Tehrana aparıram",-deyə Bahaduri bildirib.
Müəlliflə əlaqə saxlamaq üçün elektron ünvan [email protected]
