Fələstin adminstrasiyasının Prezidenti Mahmud Abbas Qahirədə keçirdiyi mətbut konfransında İslami Müqavimət Təşkilatı Həması Qəzzadakı yaralıların Misirə aparılmasına maneə törətməkdə təqsirləndirib.
"Misirin Rəfah buraxılış məntəqəsini açmasına baxmayaraq, hələ də Qəzza zolağındakı yaralıların sərhəddi keçməsinə imkan verilmir",- deyə Abbas bildirib. Bu haqda Əl-Ərəbiyyə telekanalı dekabrın 28-də məlumat verib.
Mahmud Abbas Qəzzada atəşkəsin bərqərar olması üçün Israil rəsmiləri ilə də danışıqların aparıldığını bildirib.
Dünən günorta saatlarından İsrailin hərbi hava qüvvələri Qəzza zolağını raket atəşinə tututblar. 19 dekarbrda Həmas təşkilatı və Israil arasında müvəqqəti atəşkəsin başa çatmasından sonra Həmas 4 fələstinlililin qətlinə cavab olaraq Israilin Sederot va Aşkelon yaşayış məntəqələrini raket atəşinə tutub.
Israilin dekabrın 27-də keçirdiyi hərbi əmaliyyatlar zamanı 271 nəfər həlak olub, 700 nəfər isə yaralanıb. Əl-Cəzirə telekanalının verdiyi məlumata görə xəsarət alanların əksəriyyətini uşaq və qadınlar təşkil edir.