İran, Tehran, 05 yanvar / Trend , müxbir A.Namdari/ İran parlamentinin milli təhlükəsizlik komissiyasının üzvi bildirib ki, İran Qəzzədə baş verən cinayətlərin qarşısını almaq məqsədilə bütün imkan və potensialından istifadə edəcək.
"İranın diplomatiyası Qəzzədəki cinayətlərin qarşısını almağa yönəlib",- deyə adının açıqlanmasını istəməyən İran parlamentinin milli təhlükəsizlik komissiyasının üzvi bazar ertəsi Trend - a bildirib.
Onun sözlərinə görə, İran çalışır ki, Latın Amerikası və Orta Şərqdə olan bütün imkan və potensialından İsrail qüvvələrinin Qəzzəyə hücumunun qarşısını almaq üçün istifadə etsin.
Parlament nümayəndəsi bu potensialın nədən ibarət olduğunu izah etməyib.
İranın sənaye naziri Əliəkbər Mehrabiyan İran prezidentinin xüsusi nümayəndəsi kimi Latın Amerikasına səfər edib. Səfərdə Qəzzə məsələsi müzakirə olunub. İran rəsmiləri səfərin nəticələri barədə açıqlama vermir.
İran İslam Respublikasının Milli Təhlükəsizlik məsələləri üzrə Ali Şurasının katibi Səid Cəlili də Qəzzə məsələsini müzakirə etməq məqsədilə Livan, Suriya və digər region ölkələrinə səfər edib.
İran Parlamentinin sədri Əli Laricaninin də eyni məqsədlə Türkiyəyə səfəri nəzərdə tutulur. Laricaninin bu gün (bazar ertəsi) analoji missiya ilə Suriyaya səfəri naməlum səbəblərdən təxirə salınıb.
Müəlliflə əlaqə saxlamaq üçün elektron ünvan [email protected]