Azərbaycan, Bakı, 06 yanvar / Trend , müxbir A.Hüseynbala/ Azərbaycanın müxalif partiyası İctimai Televiziyanın rəhbərliyinə efir vaxtının ayrılması üçün müraciət edib.
"Müsavat Partiyası martın 18- də keçiriləcək referendumla bağlı öz mövqeyini cəmiyyətə çatdırmaq məqsədilə, Seçki Məcəlləsinə uyğun olaraq, İctimai Televiziyadan efir vaxtı istəyir", - çərşənbə axşamı Trend -a partiyanın Mərkəzi İcra Aparatının rəhbəri Arıf Hacılı bildirib.
Trend - un arayışı: Azərbaycan parlamenti ötən ayın sonunda keçirilən iclasında Konstitusiyaya əlavələr və dəyişikliklər edilməsi ilə bağlı referendumun martın 18 - də keçirilməsi barədə qərar qəbul edib.
Layihədə bir şəxsin iki dəfədən artıq ölkə prezidenti vəzifəsinə seçilməsini məhdudlaşdıran 101-ci maddənin 5-ci bəndi Konstitusiyadan çıxarılıb.
Bu
bəndə əsasən, heç kəs iki
dəfədən artıq təkrar Azərbaycan
Respublikasının prezidenti seçilə bilməz.
Həmin maddəyə, ölkə müharibə şəraitində
olduğu təqdirdə, prezident seçkilərinin
keçirilməsi müddətinin uzadılmasını
nəzərdə tutan bənd daxil edilib.
Konstitusiyaya digər dəyişikliklər eks-prezidentin hüquqları və statusu; Milli Bankın Mərkəzi Bank, Prezidentin İcra Aparatının Prezident Administrasiyası adlandırılması və s. ilə bağlıdır.
Azərbaycan Respublikası Konstitusiyasının mətninə dəyişikliklər yalnız referendum vasitəsilə daxil edilə bilər (maddə 152). AR Konstitusiyasının mətninə dəyişikliklər Milli Məclis və ya prezident tərəfindən təklif edilirsə, o zaman təklif edilən dəyişikliklər üzrə əvvəlcədən AR Konstitusiya Məhkəməsinin qərarı alınmalıdır (maddə 153).
Azərbaycan Konstitusiyası 1995 - ci ildə referendum yolu ilə qəbul olunub, 2002 - ci ildə Əsas Qanuna əlavə və dəyişikliklər edilib.
Onun sözlərinə görə, İctimai Televiziya və Radio Yayımları Şirkətinin Baş direktoru İsmayıl Ömərova göndərilən müraciətdə qeyd edilib ki, rəhbərlik etdiyi qurum ölkədəki aparıcı siyasi qüvvələrin ideya və düşüncələrini də cəmiyyətə çatdırmağa borcludur.
Müsavat Partiyası 1911- ci ilin oktyabrında Bakıda yaradılıb. Müsavat Partiyasının III (Bərpa) Qurultayı 1992-ci il noyabrın 7-də Bakıda Respublika sarayında keçirilib. Gizli səsvermənin yekunları əsasında, Qəmbər səs çoxluğu ilə Müsavat Partiyasının başqanı seçilib.
Qəmbər Аzərbаycan pаrlаmеntinin екs-spiкеri (1992-1993-cü illərdə) və 2003-cü ildə кeçirilmiş prezident seçkisində prezidentliyə namizəd olub. Pаrtiyа 4 nəfər deputatla parlamentdə təmsil olunur.
Məqalə müəllifi ilə əlaqə ünvanı: [email protected]
