Azərbaycan, Bakı, 08 yanvar/ Tren , müxbir R.Novruzov/ ATƏT Dağlıq Qarabağ münaqişəsinin nizamlanması prosesinin vəziyyətinə dair hesabat hazırlayacaq.
İsveç parlamenti Beynəlxalq Departamentinin böyük müşaviri Enn-Sofi Lindenbaumun cümə axşamı Stokholmdan telefonla Trend -a verdiyi məlumata görə, hesabat ATƏT-in Parlament Assambleyasının xüsusi nümayəndəsi Qoran Lenmarkerin fevralın 9-10-da regiona səfərindən sonra hazırlanacaq.
Lindenbaum bildirib ki, onun Azərbaycana səfərində əsas məqsəd Cənubi Qafqaz regionunun inkişaf məsələləri və Dağlıq Qarabağ münaqişəsinin nizamlanması probleminin müzakirəsi ilə bağlı olacaq.
İki Cənubi Qafqaz ölkəsiarasında münaqişə 1988 - ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994 -cü ildə tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki nəticəsiz sülh danışıqları aparılır.
Lenmarker prezident İlham Əliyev və xarici işlər naziri Elmar Məmmədyarov ilə görüşlər keçirməyi planlaşdırır.
Məqalə müəllifi ilə əlaqə ünvanı - [email protected]
