...

Azərbaycanın soltəmayüllü partiyası müxalifətin referendumla bağlı təşəbbüs qrupları yaratmasını tənqid edib

Siyasət Materials 9 Yanvar 2009 12:03 (UTC +04:00)

Azərbaycan, Bakı, 09 yanvar / Trend , müxbir C.Babayeva/ Azərbaycan Sosial Demokrat Partiyasının (ASDP) həmsədri Araz Əlizadə hesab edir ki, müxalifət partiyalarının referendumla bağlı yaratdıqları təşəbbüs qruplarının məqsədi yalnız müxalifət sözünün varlığını sübut etməkdir.  

"Müxalifətin yaratdığı təşəbbüs qruplarının heç bir effektli olmayacaq. Qrupların yaradılmasının heç bir əsası və mənası yoxdur. Yeganə məqsəd səs-küy salıb, müxalifət sözünün varlığını sübut etməyə çalışmaqdır", - cümə günü Trend -a Əlizadə bildirib.

Trend -un arayışı: Azərbaycan parlamenti ötən ayın sonunda keçirilən iclasında Konstitusiyaya əlavələr və dəyişikliklər edilməsi ilə bağlı referendumun martın 18-də keçirilməsi barədə qərar qəbul edib.

Konstitusiyanın 29 maddəsinə dəyişiklik edilməsinə dair referendumun keçirilməsi barədə qərar verilib.

Azərbaycan Respublikası Konstitusiyasının mətninə dəyişikliklər yalnız referendum vasitəsilə daxil edilə bilər (maddə 152). AR Konstitusiyasının mətninə dəyişikliklər Milli Məclis və ya prezident tərəfindən təklif edilirsə, o zaman təklif edilən dəyişikliklər üzrə əvvəlcədən AR Konstitusiya Məhkəməsinin qərarı alınmalıdır (maddə 153).

Azərbaycan Konstitusiyası 1995 - ci ildə referendum yolu ilə qəbul olunub, 2002 - ci ildə Əsas Qanuna əlavə və dəyişikliklər edilib.

Azərbaycanın hakim partiyası "Yeni Azərbaycan", müxalif Müsavat Partiyası "Respublikaçılar" təşəbbüs qrupları yaradıblar. Bu gün isə "Azadlıq" blokunda cəmləşən Xalq Cəbhəsi, Milli Birlik Hərəkatı və Vətəndaş və İnkişaf partiyaları, o cümlədən "Azərbaycan Naminə" İctimai Forum və digər ictmaiyyət nümayəndələrinin referendumla bağlı təşəbbüs qrupu yaradacaqları gözlənilir.

Referendumla bağlı ASDP-nin mövqeyinə gəlincə, Əlizadə Konstitusiyaya ediləcək əlavə və dəyişiklikləri dəstəslədiklərini deyib.  "Referendum keçirilməlidir və xalq müsbət rəyini verməlidir. Bu dəyişikliklər dünya praktikasında tətbiq olunur. Xalqın dəstəyini qazanan prezidentin seçilməsinə məhdudiyyətlər olmamalıdır", - ASDP həmsədri deyib.    

Əlizadənin sözlərinə görə, özünü müxalifət adlandıran qüvvələrin demokratiyadan danışmağa haqları yoxdur.  "O qüvvələr ki, 1992-ci ildə dövlət çevrilişi ilə hakimiyyətə gəlib saxta seçkilərlə Əbülfəz Elçibəyi prezident elan ediblər, onların demokratiyadan danışması ən azı acı təbbəsüm doğurur", - o deyib.  

ASDP sol təmayüllü müxalifət partiyasıdır. Partiyanın həmsədrləri Araz Əlizadə və Azərbaycanın eks-prezidenti, hazırda mühacirətdə yaşayan Ayaz Mütəllibovdur.

1991 - ci ildə Azərbaycan müstəqilliyini elan etdikdən sonra, Mütəllibov ilk prezident seçilib. Sonra onun barəsində cinayət işi açılıb və 1992 - ci ildən indiyədək Rusiyada mühacirətdə yaşayır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti