Azərbaycan, Bakı, 22 yanvar / Trend , müxbir K.Zərbalıyeva/ Azərbaycanda cəzaçəkmə müəssisəsində məhkumdan narkotika götürülüb.
Penitensiar Xidmətin ictimaiyyətlə əlaqələr mərkəzindən cümə axşamı Trend -a verilən məlumata görə, yanvarın 21-də saat 10.30 radələrində Xidmətin Əməliyyat şöbəsinin və 7 saylı cəzaçəkmə müəssisəsi əməkdaşlarının həyata keçirdikləri birgə axtarış - baxış tədbiri zamanı, həmin müəssisədə cəza çəkən 41 yaşlı Qəhrəmanov İqbal Bəxtiyar oğlunun üzərindən 0.445 qram narkotik maddə - heroin aşkar edilərək götürülüb.
Tərtər rayon sakini, əvvəllər məhkum olunmuş Qəhrəmanov Cinayət Məcəlləsinin quldurluq (181), qanunsuz olaraq odlu silah, döyüş sursatı əldə etmə, başqasına vermə, satma, saxlama, daşıma və gəzdirmə (228), qəsdən sağlamlığa ağır zərər vurma (126), əmlakı qəsdən məhv etmə və ya zədələmə (186), xuliqanlıq (221), oğurluq (177), maddələri ilə ittiham olunaraq, 11 il müddətinə azadlıqdan məhrum edilib.
Faktla bağlı toplanmış materiallar Xətai rayon Polis İdarəsinə təhvil verilib.
Məqalə müəllifi ilə əlaqə ünvanı:[email protected]
