Gürcüstan, Tbilisi, 21 aprel / Trend , müxbir N.Kitsxaliya /
Bu gün Tbilisidə parlament binasının qarşısında müxalifətin aksiyaları yenidən başlayıb. Parlament qarşısında 5 minə yaxın insan yığılıb və müxalifət liderləri onların qarşısında çıxış edir.
"Bu gündən etibarən aksiyalar yeni impuls qazanacaq və müxalifət liderləri mitinqlərə tərəfdarlarını cəlb etməkdən ötrü regionlara səfər edəcək", - "Vahid Gürcüstan - Demokratik hərəkat" partiyasının lideri Nino Burcanadze deyib.
Burcanadze müxalifət tərəfdarlarını dövlət obyektlərini blokadaya almağa çağırıb. "Lakin bütün aksiyalar Konstitusiya çərçivəsində olmalıdır", - partiya lideri əlavə edib.
Burcanadze deyib ki, Gürcüstan müxalifəti liderləri "milli həyacanı genişləndirmək" məqsədi ilə Gürcüstanın qərb regionlarına səfər ediblər.
Məqalə müəllifi ilə əlaqə ünvanı: [email protected]