Azərbaycan Prezidenti İlham Əliyev Bəstəkarlar İttifaqı maddi-texniki bazasının, ittifaq üzvlərinin yaradıcılıq şəraitinin yaxşılaşdırılması məqsədi ilə sərəncam imzalayıb. Məlumatı AzərTAc Dövlət İnformasiya Agentliyi yayıb.
Sərəncama əsasən, Azərbaycan Bəstəkarlar İttifaqına zəruri avadanlıqların alınması üçün Azərbaycan Respublikasının 2009-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 1 (bir) milyon manat məbləğində vəsait ayrılıb.
Maliyyə Nazirliyinə göstərilən vəsaitin Azərbaycan Bəstəkarlar İttifaqına ayrılmasını təmin etmək tapşırılıb.
Nazirlər Kabinetinə Sərəncamdan irəli gələn məsələlərin həlli tapşırılıb.
Sərəncam imzalandığı gündən qüvvəyə minir.