Azərbaycan, Bakı, 08 may / Trend , C.Babayeva /
Azərbaycanlı tələbələrə mayın 10-da paytaxtda həmrəylik aksiyası keçirməyə icazə verilməyib.
"Bakı Şəhər İcra Hakimiyyətinin cavab məktubunda aksiyanın keçirilməsi üçün təklif olunan yerlər məqsədəuyğun hesab olunmayıb", - cümə günü Trend -a Müsavat Partiyasının gənclər təşkilatının sədri Tural Abbaslı məlumat verib.
Trend -un arayışı: Bir qrup azərbaycanlı gənc aprelin 30-da Dövlət Neft Akademiyasında baş vermiş faciə ilə bağlı "Terrora yox!" şüarı ilə aksiya keçirmək niyyətində idi. Aksiyanın keçirilməsi üçün Füzuli meydanı, Cəfər Cabbarlı parkı və Heydər Əliyev sarayı qarşısındakı park göstərilmişdi. Aksiyada tələbə və gənclər təşkilatlarının nümayəndələrinin iştirakı nəzərdə tutulurdu.
Abbaslının sözlərinə görə, mayın 10-da icazəsiz aksiya keçirilməyəcək. "Həmin gün gənclər qarşıdurma yaratmaq niyyətində deyillər", - o deyib.
Məqalə müəllifi ilə əlaqə ünvanı: [email protected]
