Azərbaycan, Bakı, 16 iyun / Trend , müxbir A.Hüseynbala /
Azərbaycanın müxalif partiyasının lideri bələdiyyə sisteminin təkmilləşdirilməsini təklif edir.
"Azərbaycanda bir neçə pilləli bələdiyyə sistemi olmalıdır. Bizdə şəhər bələdiyyələri yoxdur, paytaxt Bakının bələdiyyə sistemi haqqında qanun qəbul olunmalıdır", - çərşənbə axşamı Trend -a Azərbaycan Milli İstiqlal Partiyasının (AMİP) lideri Etibar Məmmədov bildirib.
Trend -un arayışı: Ötən ay Azərbaycan parlamentində "Bələdiyylərin birləşdirilməsi haqqında" qanun qəbul edilib.
Qəbul edilən qanuna görə, Azərbaycanda bələdiyyələrin sayı 2757-dən 1766-ya enəcək.
Azərbaycanda bələdiyyə seçkisi 2009-cu ilin dekabrında, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Məmmədovun sözlərinə görə, bələdiyyələrin fəaliyyətinin gücləndirilməsi üçün səlahiyyətlər bölgüsü qanuniləşdirilməlidir. "Bələdiyyə seçkilərinin daha ciddi prosesə çevrilməsi yalnız bundan sonra mümkün olacaq", - AMİP lideri vurğulayıb.
Onun fikrincə, indi bələdiyyəyə üzv seçilmək yalnız əmək haqqı olan iş yerləri uğrunda mübarizəyə bənzəyir. "Əvvəllər isə bir çox bələdiyyələr torpaq sahələrinin satışı ilə məşğul olurdular. Bələdiyyələrin əksəriyyəti öz üzərinə düşən funksiyaları belə bilmirlər və icra hakimiyyətinin bir əlavəsinə çevriliblər", - Məmmədov əlavə edib.
AMİP lideri deyib ki, "Bələdiyyələrin birləşdirilməsi haqqında" qanunun qəbul olunması da bu sahədəki problemlərin həlli ilə nəticələnməyəcək. "Məqsəd bələdiyyələrin icra hakimiyyətləri tərəfindən idarəçiliyini asanlaşdırmaqdır", - Məmmədov bildirib.
АMİP 1992-ci ildə yаrаdılаn və Аzərbаycаndа ilk dövlət qеydiyyаtınа аlınаn pаrtiyаdır. Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər
Məmmədоv hаzırdа Bеynəlxаlq Dеmоkrаt İttifаqının (BDİ) sədr müаvinidir.
Məqalə müəllifi ilə əlaqə ünvanı: [email protected]
...