Gürcüstan, Tbilisi, 23 iyun / Trend , müxbir N.Kirtsxaliya /
Gürcüstanın BMT-dəki daimi nümayəndəsi Aleksandr Lomaya Gürcüstan və ABŞ arasında strateji tərəfdaşlıq xartiyasının imlementasiyası üzrə işlər prosesində müəyyən edilən ABŞ-ın mövqeyinə öz münasibətini bildirib.
Onun jurnalistlərlə söhbəti zamanı qeyd etdiyi kimi, "ABŞ administrasiyası praktiki olaraq Gürcüstanın suverenliyini toxunulmaz adlandırıb".
"Artıq məlumdur ki, Gürcüstanın ərazi bütövlüyünün bərpası Ağ Evin prioritetlərindən biridir", - deyə Lomaya ABŞ-Gürcüstan strateji tərəfdaşlıq şurasının işlərinin birinci mərhələsinin tamamlanmasından sonra bildirib.
Şuranın dörd istiqamətdə - demokratiya, təhlükəsizlik, iqtisadiyyat və xalqlar arasında münasibətlər istiqamətlərində yaradılmış komissiyalarda növbəti görüşləri Tbilisidə oktyabr ayının sonunda keçiriləcək.
Məqalə müəllifi ilə əlaqə ünvanı: [email protected]