Azərbaycan, Bakı, 06 avqust / Trend , müxbir H.Bağırov /
Azərbaycan paytaxtında ruhi xəstə bədəninə partlayıcı maddənin bağlanması ilə bağlı polisə zəng vuraraq yalan məlumat verib.
"50 yaşlı qadın Daxili İşlər Nazirliyinın 102 xidmətinə zəng vuraraq bədəninə partlayıcı maddədən ibarət kəmərin bağlanması ilə bağlı məlumat verib", - cümə axşamı Trend -a Nəsimi Rayon Polis İdarəsindən bildirilib.
Polis və Fövqəladə Hallar Nazirliyinin əməkdaşlarının zəng vurulan ünvanda apardığı araşdırmalar nəticəsində məlumatın yanlış olduğu müəyyənləşdirilib. "Məlum olub ki, bədəninə partlayıcı maddə olan kəmərin bağlanması ilə bağlı 102 xidmətinə zəng vuran Nəsimi rayonu, Cavadxan küçəsi, ev 5, mənzil 7-də yaşayan 1959-cu il təvəllüdlü Sultanəhmədova Fatma Məhəmməd qızı ruhi xəstədir", - məlumatda qeyd edilir.
Nəsimi rayon 19-cu polis bölməsinə aparılan qadına məsul olan şəxslərə xəbərdarlıq edilib.
Məqalə müəllifi ilə əlaqə ünvanı: [email protected]
