Gürcüstan, Tbilisi, 29 oktyabr / Trend , müxbir N.Kirsxaliya/
Avropa İttifaqı (Aİ) Gürcüstana "Şərq tərəfdaşlığı" proqramı çərçivəsində dəstək göstərməyə hazırdır. Bu barədə xarici əlaqələr üzrə Avropa komissarı Benita Ferrero-Valdner Gürcüstan Prezidenti Mixail Saakaşvili ilə Brüsseldə görüşü zamanı bildirib.
Saakaşvili bu gün Aİ-də görüşlər keçirmək üçün Brüsselə gəlib.
Görüş zamanı Aİ və Gürcüstan arasında viza rejimi olmadan azad ticarət, readmissiya və Aİ-də üzvlük məsələləri müzakirə edilib.
Gürcüstan Prezidenti bu gün Avropa Xalq Partiyasının (AXP) forumunda iştirak edəcək. Vahid Milli Hərəkat Partiyasının lideri olan Saakaşvili AXP-nin üzvüdür.
Məqalə müəllifi ilə əlaqə ünvanı: [email protected]