Azərbaycan, Bakı, 25 yanvar / Trend , müxbir A.Hüseynbala/
Azərbaycanın müxalifətyönlü partiyasında parlament seçkiləri ilə bağlı qərargah yaradılıb.
"Partiyanın İdarə Heyətinin bu gün keçirilən iclasında parlament seçkilərinə hazırlıqla bağlı qərar qəbul olunub", - bazar ertəsi Trend -a Müasir Müsavat Partiyasının (MMP) sədri Hafiz Hacıyev bildirib.
Trend -un arayışı: Azərbaycanda parlament seçkilərinin 2010-cu ilin payızında keçiriləcəyi gözlənilir. Bundan əvvəlki seçkilər 2005-ci il noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində keçirilir.
Hacıyevin sözlərinə görə, seçkiyə hazırlıqla bağlı qərargaha sədrin təşkilat məsələləri üzrə müavini Fərhad Əliyev rəhbərlik edəcək. "İdarə Heyətinin qərarına görə Qərbi Azərbaycan Əlaqələndirmə Şurasında təmsil olunan qərbi azərbaycanlılar da bizim partiyanın xətti ilə öz namizədliklərini irəli sürəcəklər. Həmin şuranın üzvü Boris İbrahimov da qərargahın üzvü olacaq", - partiya sədri əlavə edib.
MMP sədri deyib ki, seçkiyə hazırlıqla bağlı hər həftənin cümə axşamı qərargahın iclasları keçiiləcək. "Bu gündən etibarən Azərbaycanın bütün bölgələrində yaşayan qərbi azərbaycanlıların sayı dəqiqləşdiriləcək. Biz istəyirik ki, Qərbi Azərbaycanın tanınmış adamları, ziyalıları partiyamızla birgə seçkilərdə iştirak etsinlər. Keçmişdə Ermənistan Ali Sovetinin deputatı olan soydaşlarımızın da bizim partiyanın xətti ilə namizədliklərini irəli sürmələrinə imkan yaradacağıq", - Hacıyev vurğulayıb.
Onun bildirdiyinə görə, partiya hər bir seçki dairəsindən ən azı iki nəfərin namizədliyini irəli sürmək niyyətindədir. Parlament seçkilərində başqa partiyalarla əməkdaşlığa gəldikdə, Hacıyev deyib ki, onlar yalnız real gücü olan qüvvələrlə birgə mübarizə aparmağa üstünlük verəcəklər.
Hаfiz Hаcıyеv 1992-93-cü illərdə "Аzərbаlıq" Dövlət Коnsеrninin sədri оlub. 2000-ci ildə Мüаsir Мüsаvаt Pаrtiyаsını təsis еdib, pаrtiyа 2002-ci ildə dövlət qеydiyyаtındаn kеçib.
Мüаsir Мüsаvаt Pаrtiyаsı özünü iqtidаrа qаrşı kоnstruktiv müxаlifət hеsаb еdir.
Məqalə müəllifi ilə əlaqə ünvanı: [email protected]
