Gürcüstan, Tbilisi, 3 fevral / Trend , müxbir N.Kirsxaliya/
Abxaziya və Cənubi Osetiyaya dair Gürcüstanın dövlət strategiyası Avropa Şurası Nazirlər Komitəsində fevralın 3-ü müzakirə ediləcək.
Gürcüstan xarici işlər nazirinin müavini Nino Kalandadzenin məlumatına əsasən, strategiyanın həyata keçirilməsində komitə Avropa Şurasının rolunu müəyyən edəcək.
Strasburqda səfərdə olan Gürcüstanın inteqrasiya üzrə dövlət naziri Temur Yakobaşvili strategiyanı təqdim edəcək.
Gürcüstan tərəfi beynəlxalq ictimaiyyəti öz strategiyası ilə tanış etməyə hazırlaşır.