Azərbaycan, Bakı, 23 mart / Trend , müxbir S.Süleymanov/
Aprelin 6-dan 12-dək Türkiyənin İstanbul şəhərində boks üzrə "Baş nazir" I Beynəlxalq turniri (1-st International elite men and women "The Prime Ministry" boxing tournament) keçiriləcək. Bu barədə Qazaxıstan Boks Federasiyasının mətbuat katibi Marat İmanbayev Trend -a bildirib.
"Turnir Beynəlxalq Həvəskar Boks Federasiyasının (AİBA) qaydalarına əsasən və AIBA-nın texniki rəsmilərinin müşayiəti ilə 11 çəki kateqoriyası üzrə keçiriləcək. Turnirdə Qazaxıstanın kişi və qadınlardan ibarət komandası da iştirak edəcək", - İmanbayev deyib.
