Azərbaycan, Bakı, 29 mart / Trend , müxbir K.Zərbalıyeva/
Azərbaycanda bayram günlərində yol qəzalarının sayı əvvəlki günlərlə müqayisədə azalıb.
Daxili İşlər Nazirliyinin Baş Dövlət Yol Polisi İdarəsinin ictimaiyyətlə əlaqələr mərkəzinin rəisi Ərəstun Məcidov bazar ertəsi Trend -a bildirib ki, martın 19-dan 29-dək əvvəlki on günlə müqayisədə respublikada yol qəzaları 25 faiz azalıb.
Məcidov deyib ki, qəzalar zamanı həlak olanların sayı 31, yaralıların sayı isə 33 faiz azalıb.
BDYPİ-nin rəsmisi yol qəzalarına avtomobillərin yüksək sürətlə idarə olunması, ötmə qaydalarının pozulmasının səbəb olduğunu bildirib.
Məcidov bayram günlərində avtomobillərin sərxoş halda idarə olunması üzrə qəzaların az olduğunu bildirib.