...

Azərbaycan MSK-nın sədri ATƏT-in Bakı ofisinin rəhbəri ilə görüşüb

Siyasət Materials 5 May 2010 15:57 (UTC +04:00)
ATƏT-in Bakı ofisinin rəhbəri, səfir Əli Bilge Cankorel Mərkəzi Seçki Komissiyasında sədr Məzahir Pənahovla görüşüb.
Azərbaycan MSK-nın sədri ATƏT-in Bakı ofisinin rəhbəri ilə görüşüb

Trend-i buradan izləyin

Azərbaycan, Bakı, 5 may /Trend, müxbir A.Hüseynbala/

ATƏT-in Bakı ofisinin rəhbəri, səfir Əli Bilge Cankorel Mərkəzi Seçki Komissiyasında sədr Məzahir Pənahovla görüşüb.

"Mərkəzi Seçki Komissiyasının sədri komissiyanın hər zaman beynəlxalq qurumlarla əlaqələrə önəm verdiyini, qarşıdan gələn seçkilərdə də beynəlxalq qurumlarla, o cümlədən ATƏT-in Bakı ofisi ilə sıx əməkdaşlıq edəcəklərini qeyd edib", - çərşənbə günü Trend-ə Mərkəzi Seçki Komissiyasının mətbuat xidmətindən bildirilib.

Cankorel ATƏT ilə Mərkəzi Seçki Komissiyası arasında uzun müddətdən bəri davam edən faydalı əməkdaşlığın mövcudluğundan məmnunluğunu vurğulayıb və bu münasibətlərin bundan sonra da Azərbaycanın seçki sisteminə dəyərli töhfələr verəcəyinə əminlik ifadə edib.

"Görüşdə qarşıdan gələn parlament seçkiləri ilə bağlı Mərkəzi Seçki Komissiyasının ATƏT ilə birgə keçirəcəyi tədbirlər haqqında fikir mübadiləsi olub və gələcək əməkdaşlığın perspektivləri barədə müzakirələr aparılıb", - məlumatda vurğulanır.

Xəbər lenti

Xəbər lenti