Türkiyədə qəsdən adam öldürməyə cəhddə axtarışda olan şəxs Azərbaycanda həbs edilib - DİN
Azərbaycan, Bakı, 25 may /Trend, müxbir K.Zərbalıyeva/
Türkiyədə qəsdən adam öldürməyə cəhddə beynəlxalq axtarışda olan Türkiyə vətəndaşı Azərbaycanda həbs edilib. Bu barədə Trend-ə Daxili İşlər Nazirliyinin mətbuat xidmətinin rəis müavini Ehsan Zahidov məlumat verilib.
Zahidov deyib ki, DİN Baş Cinayət Axtariş İdarəsi və Baş Pasport Qeydiyyat və Miqrasiya İdarəsi əməkdaşlarının keçirdikləri birgə əməliyyat-axtarış tədbirləri nəticəsində, Türkiyə Cinayət Məcəlləsinin 6136-cı (adamöldürməyə cəhd) maddəsi ilə Türkiyənin məhkəmə orqanları tərəfindən beynəlxalq axtarışa verilmiş 1972-ci il təvəllüdlü Satılmış Kaunak Musa oğlu tutulub.
Hazırda onun Türkiyə hüquq-mühafizə orqanlarına təhvil verilməsi üçün tədbirlər görülür.
