Аzərbaycan, Bakı, 22 iyun /Trend, müxbir S.Ağayeva/
Azərbaycan və İndoneziya müqavilə-hüquqi bazanı genişləndirmək niyyətindədir.
Hal-hazırda doqquza yaxın layihənin daxil olduğu ikitərəfli əməkdaşlıq haqqında razılıq layihələri paketi hazırlanıb, - bu barədə çərşənbə axşamı Trend-ə Cakartadan telefon vasitəsilə Azərbaycanın bu ölkədəki səfiri İbrahim Hacıyev bildirib.
Sənədlər təhsil, informasiya texnologiyaları, ticarət, investisiya və digər əməkdaşlıq sahələrini əhatə edir.
Müqavilənin iki ölkə rəsmi şəxslərinin qarşılıqlı səfərləri çərçivəsində imzalanması planlaşdırılır.
İki ölkə arasında bu günə qədər qüvvədə olan altı müqavilə imzalanıb.
