Azərbaycan, Bakı, 10 iyul /Trend, müxbir T.Hacıyev/
Azərbaycan Milli İstiqlal Partiyasının yeni sədri seçilib. Trend-in məlumatına görə partiyanın şənbə günü keçirilən qurultayında partiya sədri Yusif Bağırzadə seçilib.
Azərbaycan Milli İstiqlal Partiyası (AMİP) 1992-ci ildə təsis edilib. AMİP 1995-ci ildən dünyanın 63 ölkəsindən 82 sağ-mərkəzçi partiyaları özündə birləşdirən Beynəlxalq Demokrat İttifaqı ilə əməkdaşlıq edir. 12 noyabr 1998-ci prezident seçkilərində AMİP-in o zamankı sədri Etibar Məmmədov namizədliyini irəli sürüb. 2003-cü il prezident seçkilərindəki məğlubiyytdən sonra AMİP sədri Məmmədov sədrlikdən istefa verib. Həmin dövrdən sonra Əli Əliyev və Ayaz Rüstəmov partiya sədri vəzifələrini icra ediblər. Hal-hazırda partiyanın sədri postu boşdur.