Azərbaycan Prezidenti İlham Əliyev Monqolustanın milli bayramı münasibətilə Prezident Saxiaqiyn Elbeqdorja təbrik məktubu göndərib. Məlumatı AzərTAc dövlət informasiya agentliyi yayıb.
"Ölkənizin milli bayramı - Xalq inqilabı günü münasibətilə Sizi və bütün xalqınızı Azərbaycan xalqı adından və şəxsən öz adımdan ürəkdən təbrik edirəm.
Ümidvaram ki, Azərbaycan ilə Monqolustan arasındakı dostluq və əməkdaşlıq münasibətləri xalqlarımızın mənafeləri naminə daim inkişaf edəcək və genişlənəcəkdir.
Sizə möhkəm cansağlığı, işlərinizdə uğurlar, dost Monqolustan xalqına əmin-amanlıq və firavanlıq arzulayıram", - məktubda deyilir.