Azərbaycan, Bakı,14 iyul /Trend, müxbir M.Əliyev/
Azərbaycan Dövlət Sərhəd Xidməti (DSX) Niderlandın oxşar strukturu ilə əməkdaşlıq perspektivlərini müzakirə edib. Bu barədə DSX-nın məlumatında deyilir.
Komandan Dik Van Puttenin başçılıq etdiyi Niderland Krallığının Sərhəd Xidmətinin nümayəndə heyətinin Azərbaycana səfəri zamanı Azərbaycan DSX-nın rəisi Elçin Quliyevlə strukturlar arasında əməkdaşlığın hazırkı səviyyəsi və qarşılıqlı maraq doğuran digər məsələlər müzakirə edilib.
Niderland nümayəndə heyəti Azərbaycan Dövlət Sərhəd Xidmətinin sahil mühafizəsinin bazası ilə tanış olub.