Azərbaycan, Bakı, 12 oktyabr /Trend, müxbir М.Əliyev/
Bu günə 608 nəfər Azərbaycanda Parlament seçkilərinə namizəd kimi qeydə alınıb. Bu barədə çərşənbə axşamı Mərkəzi Seçki Komissiyasının iclasında onun sədri Məzahir Pənahov deyib.
"Dairə seçki komissiyalarına 1 115 nəfər ərizə vərəqələrini dolduraraq təqdim edib ki, onların 87%-i kişidir", - Pənahov deyib.
Azərbaycanda Parlament seçkiləri noyabrın 7-də keçiriləcək.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.
Çərşənbə axşamı MSK-nın iclasında Parlament seçkiləri ilə bağlı müraciətlərə baxılıb, həmçinin, dairə seçki komissiyalarının tərkibinə bir sıra dəyişikliklər edilib. Pənahovun sözlərinə görə, hazırda MSK-ya 175 müraciət daxil olub.