Türkmənistan, Aşqabad, 25 oktyabr /Trend, müxbir H.Həsənov/
Dövlət bundan sonra da ən müasir texnikanın və silahların alınması hesabına ölkənin müdafiə qabiliyyətinin lazımi səviyyədə saxlanılmasına xüsusi diqqət ayıracaq. Bu barədə Türkmənistan Prezidenti Qurbanqulu Berdiməhəmmədov bildirib.
Türkmən hökumətinin mətbuat xidmətindən verilən məlumata görə, bu barədə Dövlət Təhlükəsizlik Şurasının bu günlərdə Aşqabad yaxınlığındakı yenilənmiş Bağır sərhəd zastavasında keçirilən iclasında bildirilib.
Türkmənistan müsbət neytrallıq statusuna malikdir və heç bir hərbi-siyasi bloka daxil deyil.Türkmən rəhbərliyi müvafiq rəhbərlərdən "şəxsi heyət və hərbi xidmətə çağırılan gənclər arasında vətənpərvərlik tərbiyəsi ilə bağlı işlərin gücləndirilməsi üçün tədbirlər görülməsini" tələb edib.
"Dövlət Türkmənistan sərhədlərinin mehriban dostların və qonşuların üzünə daim açıq olması, narkotik, silah və ya ölkənin təhlükəsizliyinə istənilən hədədən söhbət getdikdə isə, onlara keçilməz olması üçün hər şeyi edir", - Berdıməhəmmədov qeyd edib.
