Azərbaycan, Bakı, 26 oktyabr /Trend, müxbir S.Süleymanov/
Bu gün Sankt-Peterburqda Kollektiv Təhlükəsizlik Müqaviləsi Təşkilatı (KTMT) Parlament Assambleyasının müdafiə və təhlükəsizlik məsələləri üzrə Daimi komissiyası öz iclasına başlayacaq. İclasın işində parlament spikeri Ural Məhəmmədjanovun başçılqı etdiyi Qazaxıstan nümayəndə heyəti iştirak edəcək. Bu barədə Trend-ə parlamentin mətbuat xidmətindən bildiriblər.
"Oktyabrın 27-də MDB Parlamentlərarası Assambleyasının daimi komissiyalarının, xüsusən də siyasət və beynəlxalq əməkdaşlıq məsələləri, eləcə də aqrar, təbii ehtiyatlar və ekologiya siyasəti üzrə komissiyaların iclasının keçirilməsi planlaşdırılır", - press-relizdə deyilir.
"Oktyabrın 28-də isə MDB ölkələrinin Parlamentlərarası Assambleyasının 35-ci plenar iclası öz işinə başlayacaq. Həmin gün Qazaxıstanın ATƏT-dəki sədrliyinə həsr olunan beynəlxalq parlament konfransının keçirilməsi nəzərdə tutulub. Forumun mövzusu "ATƏT və MDB: yeni imkan və perspektivlər"dir", - press-relizdə qeyd olunub.
Konfransın təşkilatçıları MDB Parlamentlərarası Assambleyası və Qazaxıstan parlamentidir.
"Parlament tədbirləri oktyabrın 29-da "Həyat təhülkəsizliyi naminə yollarda təhlükəsizlik" beynəlxalq konqresi ilə başa çatacaq", - məlumatda qeyd olunub.
