Azərbaycan, Bakı, 5 noyabr /Trend, müxbir М.Əliyev/
Bu günə seçki bülletenlərinə 690 namizədin adı daxil edilib. Bu barədə cümə günü jurnalistlərə Mərkəzi Seçki Komissiyasının sədri Məzahir Pənahov deyib.
Onun sözlərinə görə, namizədlərin son siyahısı noyabrın 6-da elan olunacaq.
Azərbaycanda parlament seçkiləri noyabrın 7-də keçiriləcək. Sentyabrın 3-də seçkilərə rəsmi start verilib.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.
"Məcburi köçkünlərin səs verəcəyi doqquz müvəqqəti dairənin hər birində digər seçki dairələrində olan şərait yaradılacaq", - Pənahov deyib.