Azərbaycan, Bakı, 16 dekabr /Trend, müxbir V.Javoronkova/
Azərbaycan və Qazaxıstan etibarlı tərədaşdırlar və bu gün iki ölkənin əməkdaşlığında böyük potensial var. Bu barədə Qazaxıstanın Azərbaycandakı səfiri Serik Primbetov Bakıda Qazaxıstanın müstəqilliyinin 19-cü ildönümünə həsr edilən qəbulda deyib.
"Bu gün Azərbaycan və Qazaxıstan mehriban və etibarlı tərəfdaşdırlar", - diplomat qeyd edib.
Səfir iki dövlət arasında bir sıra sahələrdə, o cümlədən energetika, mədəniyyət, ticarət və digər sahələrdə əməkdaşlığın yüksək səviyyəsini qeyd edib.
"Azərbaycan və Qazaxıstan böyük neft və qaz istehsalçılarıdır və bu sahədə əməkdaşlıq ölkələrə beynəlxalq arenada daha böyük nailiyyətlər qazanmaqda kömək edəcək", - Primbetov əlavə edib.
Onun sözlərinə görə, yüksək səviyyəli görüşlər, iqtisadiyyat, mədəniyyət və digər sahələrdə əməkdaşlıq Azərbaycan və Qazaxıstan arasında münasibətlərin yüksək səviyyəsindən xəbər verir.
Azərbaycan tərəfdən Qazaxıstan səfirini müstəqillik günü münasibətilə kənd təsərrüfatı naziri İsmət Abasov təbrik edib.