Birinci abzasdan sonra əlavə olunub (İlk xəbər 18:47-də yayılıb)
İlham Əliyev çərşənbə günü Əhəd Mikayıl oğlu Abıyevin Daşkəsən rayonu İcra Hakimiyyətinin başçısı təyin edilməsi haqqında sərəncam imzalayıb. Məlumatı Prezidentin rəsmi saytı yayıb.
Abıyev Əhəd Mikayıl oğlu 1958-ci il yanvarın 15-də Masallı şəhərində anadan olub. Azərbaycan Xalq Təsərrüfatı İnstitutunun iqtisadiyyat və planlaşdırma fakültəsini və "Təfəkkür" Universitetinin hüquq fakültəsini bitirib.
1979-cu ildən Bakı şəhərində tikinti-quraşdırma idarəsinin ustası, mənzil-istismar sahəsinin texniki, "Azərittifaq"ın universal bazasının iqtisadçısı olub. 1984-1995-ci illərdə Bakı şəhər İcraiyyə Komitəsində inspektor, iqtisadçı, şöbə müdiri vəzifələrində çalışıb.
Yeni Azərbaycan Partiyasının üzvüdür. Birinci, ikinci və üçüncü çağırış Azərbaycan Respublikası Milli Məclisinin deputatı olub.
Sonuncu dəfə 2005-ci il noyabrın 6-da 70 saylı Masallı şəhər seçki dairəsindən deputat seçilmişdi. 2010-ci il seçkilərində isə namizədliyini Suraxaı rayonundan verən Əhəd Abıyev mandat qazana biməyib.
Evlidir, 2 övladı var.