Azərbaycan, Bakı, 9 mart /Trend/
Azərbaycanın xarici işlər naziri Elmar Məmmədyarov Qvatemala, Sloveniya və Paraqvayın Azərbaycana yeni təyin olunmuş fövqəladə və səlahiyyətli səfirləri Arturo Duarte, Milan Yazbets və Marsial Bobadilla Gileni qəbul edib. Məlumatı XİN-in mətbuat xidməti yayıb.
Etimadnamələrinin surətini təqdim edən diplomatlar Azərbaycana səfir olunduqlarından məmnun qaldıqlarını qeyd ediblər. Ölkələrimiz arasında bir sıra sahələrdə əməkdaşlığın inkişaf etdirilməsi üçün geniş potensialın vurğulayan qonaqlar ölkələri ilə Azərbaycan arasında əlaqələrin dərinləşməsi istiqamətində çalışacaqlarını bildiriblər.
Öz növbəsində nazir Məmmədyarov ölkəmizə səfir təyin olunmaları münasibətilə diplomatları təbrik edib, işlərində müvəffəqiyyətlər arzulayıb.