Azərbaycan, Bakı, 31 mart /Trend/
Ermənistan Beynəlxalq Mülki Aviasiya Təşkilatından məktub alıb. Məktubda işğal edilmiş ərazilərdə aeroportun istismarı ilə bağlı Azərbaycanın narahatlığı bildirilir.
Trend-in məlumatına görə, bu məlumatı News.am-a Ermənistan Baş Mülki Aviasiya İdarəsinin mətbuat katibi Nelli Çerçinyan təsdiq edib.
Lakin o, məktubun məzmunu barədə məlumat verməkdən imtina edib. Trend-in məlumatına görə, Çerçinyan "Ermənistan Baş Mülki Aviasiya İdarəsi yuxarıda göstərilən məktuba cavab verməyə hazırlaşırmı" sualına da cavab verməyib.