Azərbaycan, Bakı, 13 aprel /Trend/
Azərbaycanın Vətəndaş və İnkişaf Partiyasının (VİP) Qadınlar Təşkilatı yaradılır.
Partiyanın mətbuat xidmətindən Trend-ə verilən məlumata görə, VİP Məclisinin aprelin 10-da keçirilmiş iclasında partiyanın Ağsaqqallar Şurasının (AŞ) və Qadınlar Təşkilatının (QT) formalaşdırılması, eyni zamanda partiyanın Gənclər Təşkilatının (GT) gücləndirilməsi haqqında qərar qəbul edilib.
Bu gün VİP-in mərkəzi qərargahında partiyanın Qadınlar Təşkilatının yaradılmasına həsr olunmuş toplantı keçirilib.
Toplantıda VİP QT-nin formalaşdırılmasının zəruriliyi bir daha vurğulanıb, Təşkilat Komitəsinin (TK) tərkibi müəyyənləşdirilib və qurumun təsis edilməsinə dair tədbirlər təsdiqlənib.
TK-nın üzvləri VİP sədri Əli Əliyevlə görüşərək, QT-nin formalaşdırılması prosesinin sürətləndirilməsi istiqamətində təkliflərini irəli sürüblər, partiyanın qadın kontingentinin bu qurum çərçivəsində təşkilatlanması üçün lazımi addımların atılacağını bildiriblər.