Azərbaycan, Bakı, 9 sentyabr /Trend/
Türkiyə ərazisində raket hücumundan müdafiə (RHM) sisteminin yerləşdirilməsi heç bir ölkəyə qarşı yönəldilməyib. Trend-in məlumatına görə, bu barədə "Milliyyət" qəzeti Türkiyə XİN-in mətbuat katibi Səlcuq Ünala istinadən yazıb.
O bildirib ki, RHM sisteminin yerləşdirilməsi NATO-nun raketdən müdafiə səviyyəsinin yüksəldilməsi məqsədi daşıyır.
Ünalın sözlərinə görə, Türkiyə bu bəyanatı İran tərəfinin reaksiyasına cavab olaraq verir.
Həmin radar ABŞ və NATO-nun RHM sistemi çərçivəsində Diyarbəkir şəhərində quraşdırılacaq.
Rəsmi Tehran Ankaraya bu barədə öz narahatlığını bildirmişdi.