...

Siyavuş Novruzov: Cəmiyyət tərəfindən dəstəklənməyən insanların dövlətə təkliflər verməsi gülüncdür

Siyasət Materials 12 Sentyabr 2011 14:57 (UTC +04:00)
Hakim Yeni Azərbaycan Partiyasının (YAP) icra katibinin müavini, millət vəkili Siyavuş Novruzov İctimai Palatanın hazırladığı "Demokratiyaya yumşaq keçidin yol xəritəsi" adlı təkliflərinə münasibət bildirib.
Siyavuş Novruzov: Cəmiyyət tərəfindən dəstəklənməyən insanların dövlətə təkliflər verməsi gülüncdür

Azərbaycan, Bakı, 12 sentyabr /Trend, müxbir T.Hacıyev/

Hakim Yeni Azərbaycan Partiyasının (YAP) icra katibinin müavini, millət vəkili Siyavuş Novruzov İctimai Palatanın hazırladığı "Demokratiyaya yumşaq keçidin yol xəritəsi" adlı təkliflərinə münasibət bildirib.

"İctimai Palata qeyriiqanuni bir qurumdur və mən belə bir təşkilat tanımıram. Orada cəmiyyət tərəfindən seçilməyən, səs qazanmayan adamlar toplaşıb. Hərəsi bir dərədən yığışan bir qrup insan nəsə danışıb təkliflər verirlər və bu, gülüncdür", - bu barədə bazar ertəsi Trend-ə Siyavuş Novruzov bildirib.

Novruzov hesab edir ki, İctimai Palatada toplaşanların fərasəti, qabiliyyəti olsaydı, xalq tərəfindən dəstəklənib parlamentə, bələdiyyəyə və ya başqa bir seçkili quruma seçilərdilər.

"Seçilməyənlərin hansı təfəkkürü, qabiliyyəti və yaxud hansı dünyagörüşü imkan verir ki, dövlətə hansısa təkliflər versinlər. O adamların heç demokratiya anlayışları yoxdur, amma demokratiyadan danışırlar", - millət vəkili deyib.

O bildirib ki, İctimai Palatada bekarçılıq əlaməti olaraq hərdən yığışırlar və ortalığa sənəd çıxardırlar.

Xəbər lenti

Xəbər lenti