Azərbaycan, Bakı, 13 sentyabr /Trend/
İran parlamentinin spikeri Əli Laricani azərbaycanlı həmkarı Oqtay Əsədovu İrana dəvət edib. Trend-in məlumatına görə, bunu İranın Azərbaycandakı səfirliyinin müşaviri Məhəmməd Əli Şəmsipur İRNA agentliyinə deyib.
Şəmsipur əlavə edib ki, Laricani Əsədovu Tehrana keçiriləcək X "Fələstin xalqına dəstək" beynəlxalq konfransında iştirak etmək üçün dəvət edib.
Konfrans oktyabrın 1-2-də Tehranda keçiriləcək. Konfransda dünyanın müxtəlif dövlətlərinin rəsmilərinin iştirakı gözlənilir.
Şəmsipur bildirib ki, Laricani Qafqaz Müsəlmanları İdarəsinin sədri şeyxülislam Allahşükür Paşazadəni də bu konfransda iştirak etmək üçün Tehrana dəvət edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
