Azərbaycan, Bakı, 13 sentyabr /Trend/
Azərbaycanın insan hüquqları üzrə müvəkkili Elmira Süleymanova YUNİSEF-in Mərkəzi, Şərqi Avropa və MDB ölkələri üzrə regional direktorunun müavini xanım Kirsi Madini qəbul edib.
Ombudsman Aparatının mətbuat xidmətindən Trend-ə verilən məlumata görə, müvəkkil Azərbaycanda uşaq hüquqlarının müdafiəsi, təmini və təbliğinə böyük diqqət yetirildiyini, YUNİSEF-in ölkəmizdəki nümayəndəliyi ilə sıx, qarşılıqlı əlaqələrin qurulduğunu vurğulayıb.
Madi ombudsmanın insan hüquqları, o cümlədən uşaq hüquqları sahəsində fəaliyyətini, dinamik, çevik iş tərzini, innovativ təşəbbüslərini, strategiyalarını yüksək qiymətləndirib, aldığı məlumatlardan məmnun olduğunu söyləyib.
Görüşdə YUNİSEF-in Azərbaycandakı nümayəndəliyinin rəhbəri Mark Herevard da iştirak edib.