...

YAP Gənclər Birliyinin nümayəndə heyəti Brüsselə səfər edəcək

Siyasət Materials 7 Oktyabr 2011 14:13 (UTC +04:00)
Yeni Azərbaycan Partiyasının (YAP) Gənclər Birliyinin nümayəndə heyəti Avropa Xalqları Partiyasının dəvəti ilə Brüsselə səfər edəcək.
YAP Gənclər Birliyinin nümayəndə heyəti Brüsselə səfər edəcək

Trend-i buradan izləyin

Azərbaycan, Bakı, 7 oktyabr /Trend, müxbir T.Hacıyev/

Yeni Azərbaycan Partiyasının (YAP) Gənclər Birliyinin nümayəndə heyəti Avropa Xalqları Partiyasının dəvəti ilə Brüsselə səfər edəcək. Bu barədə cümə günü Trend-ə partiyanın mətbuat xidmətindən məlumat verilib.

Məlumatda qeyd olunub ki, Avropa Xalqları Partiyası (EPP) ilə Yeni Azərbaycan Partiyası arasında səmərəli əməkdaşlıq münasibətləri ildən-ilə inkişaf edir. Bir sıra birgə layihələr həyata keçirilib. Partiyalararası münasibətlərə uyğun olaraq, yeni bir layihənin həyata keçirilməsi nəzərdə tutulub.

YAP Gənclər Birliyinin nümayəndə heyəti Brüsseldə 28 noyabr - 4 dekabr tarixləri arasında səfərdə olacaq. Səfər çərçivəsində nümayəndə heyəti EPP-nin, Avropa İttifaqı və Avropa Parlamentinin baş qərargahında bir sıra görüşlər keçirəcək.

Avropa Xalqları Partiyası Avropanın ən böyük siyasi partiyasıdır. Tərkibinə 39 ölkədən 74 siyasi partiya daxildir.

Yeni Azərbaycan Partiyası 2008-ci ildən Avropa Xalqları Partiyası ilə əməkdaşlıq edir və bir sıra qarşılıqlı səfərlər həyata keçirilib.

Xəbər lenti

Xəbər lenti