İtaliyanın nüfuzlu "Roma xronikaları" qəzetinin 2 dekabr tarixli nömrəsində Azərbaycanın birinci xanımı Mehriban Əliyevanın İtaliyaya səfəri və ölkənin baş nazirinin xanımı Elza Monti ilə görüşü barədə məqalə dərc olunub.
Trend-in məlumatına görə, məqalədə qeyd olunur ki, ölkəsinin müstəqilliyinin bərpasının 20-ci ildönümünün təbliği məqsədi ilə İtaliyada səfərdə olan Azərbaycanın birinci xanımı Mehriban Əliyeva Elza Monti ilə görüşmüş, təhsil sahəsində əhəmiyyətli danışıqlar aparıb.
Qəzet dekabrın 2-də axşam Romanın opera binasında keçiriləcək tədbir ilə də bağlı məlumat vermiş, onun maraqlı proqramla yaddaşlarda uzun müddət qalacağını vurğulayıb. Qeyd olunmuşdur ki, tədbirdə Elza Montinin də iştirakı gözlənilir.
Trend-in ən mühüm və maraqlı xəbərlərini "Telegram"da izləyin
