Azərbaycan, Bakı, 5 dekabr /Trend, müxbir M.Əliyev/
Hər bir dövlət üçün demokratiya və insan haqlarının qorunması prioritet olmalıdır. Biz Azərbaycanın bu istiqamətdə çalışdığının şahidiyik. Trend-in məlumatına görə, bunu Bakıda Azərbaycan Prezidenti yanında Dövlət İdarəçilik Akademiyasında bazar ertəsi keçirilən "Səmərəli dövlət idarəçiliyi: zamanın çağırışı" adlı beynəlxalq konfransda çıxışı zamanı Avropa İttifaqının Azərbaycandakı nümayəndəliyinin rəhbəri, səfir Roland Kobia deyib.
Onun sözlərinə görə, hər bir dövlətdə korrupsiya ilə mübarizə və şəffaflığın qorunması böyük əhəmiyyət daşımalıdır.
"Azərbaycan da Avropanın bir hissəsi olduğu üçün bu istiqamətdə səylərini əsirgəməməlidir. Azərbaycan addım-addım Avropaya doğru irəliləyir. Azərbaycanın Avropada tanınmasında gələn ilin mayında keçiriləcək "Evrovision" müsabiqəsi, həmçinin BMT Təhlükəsizlik Şurasına qeyri-daimi üzv seçilməsi öz töhfəsini verəcək", - Kobia əlavə edib.
Roland Kobia: Azərbaycanın demokratiya və insan haqlarının qorunması istiqamətində çalışdığının şahdiyik
Hər bir dövlət üçün demokratiya və insan haqlarının qorunması prioritet olmalıdır. Biz Azərbaycanın bu istiqamətdə çalışdığının şahidiyik.