Azərbaycan Müdafiə Nazirliyi aeroportun İsrail dövlətinə icarəyə verilməsi barədə məlumatı təkzib edir
Azərbaycan, Bakı, 29 mart /Trend, müxbir K.Zərbalıyeva/
Azərbaycan Müdafiə Nazirliyi İranla sərhəd ərazidə aeroportun İsrail dövlətinə icarəyə verilməsi barədə məlumatı təkzib edir.
"Bu məlumatın heç bir əsası yoxdur və tamamilə cəfəngiyyatdır", - bunu cümə axşamı Trend-ə Müdafiə Nazirliyinin mətbuat xidmətinin rəis müavini Teymur Abdullayev deyib.
Qeyd edək ki, bu gün İsrailin bəzi KİV-ləri "Foreign Policy" jurnalında dərc olunan yazıya istinadən bildiriblər ki, Azərbaycan İranla sərhəd ərazidə yerləşən aeroportu İsrailə icarəyə verib.
