Azərbaycan, Bakı, 16 may /Trend/
Azərbaycan Prezidenti İlham Əliyev Norveç Kralı V Haralda təbrik məktubu ünvanlayıb.
"Norveç Krallığının milli bayramı - Konstitusiya günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi qəlbdən təbrik edirəm.
Əminəm ki, Azərbaycan-Norveç münasibətləri, dostluq və əməkdaşlıq əlaqələrimiz bundan sonra da öz inkişafını davam etdirərək xalqlarımızın rifahına töhfələr verəcəkdir", - təbrikdə deyilir.
İlham Əliyev V Haralda ən xoş arzularını yetirib, möhkəm cansağlığı, işlərində uğurlar, dost Norveç xalqına sülh və firavanlıq diləyib.