Azərbaycan, Bakı, 17 may /Trend, müxbir M.Əliyev/
Azərbaycan deputatları Qara Dəniz İqtisadi Əməkdaşlıq Təşkilatı (QDİƏT) Parlament Assambleyasının mayın 21-dən 24-dək Yerevanda keçiriləcək 39-cu plenar iclasında iştirak edəcəklər.
Bu barədə Trend-ə cümə axşamı QDİƏT Parlament Assambleyasında Azərbaycan nümayəndə heyətinin üzvü Musa Quliyev bildirib.
Onun sözlərinə görə, nümayəndə heyətinə QDİƏT Parlament Assambleyasının vitse-prezidenti Asəf Hacıyev başçılıq edəcək, həmçinin nümayəndə heyətinə millət vəkili Jalə Əliyeva daxildir.
Quliyev bildirib ki, o, qurumun İqtisadi məsələlər komitəsinin məruzəçisi qismində "QDİƏT-ə üzv ölkələrdə üzümçülük və şərabçılıq" mövzusunda çıxış edəcək.
Azərbaycan nümayəndə heyəti mayın 20-də Ermənistana səfərə yola düşəcəklər.
İclasda Parlament Assambleyasına sədrlik Ermənistandan Azərbaycana keçəcək. QDİƏT Parlament Assambleyasının 40-cı iclası isə bu ilin payızında Bakıda keçiriləcək.