Azərbaycan, Bakı, 28 iyun /Trend/
Azərbaycan Prezidenti İlham Əliyev cümə axşamı Xorvatiyanın keçmiş Prezidenti Stepan Mesiçi qəbul edib.
Xorvatiyanın keçmiş Prezidenti Stepan Mesiç Azərbaycanda böyük inkişaf proseslərinin şahidi olduğunu məmnunluqla qeyd etdi. Xorvatiyalı qonaq Bakıda keçiriləcək Krans Montana Forumunun önəmini vurğuladı.
Görüşdə Azərbaycan ilə Xorvatiya arasında ikitərəfli əlaqələrin daha da inkişaf etdirilməsi üçün yaxşı imkanların olduğu bildirildi, əməkdaşlığımızın genişləndirilməsi ilə bağlı məsələlər ətrafında fikir mübadiləsi aparıldı.