...

Azərbaycan-Argentina biznes forumu keçirilib

Siyasət Materials 27 İyul 2012 13:24 (UTC +04:00)

Azərbaycan, Bakı, 27 iyul /Trend/

Xarici işlər naziri Elmar Məmmədyarovun Argentinaya rəsmi səfəri çərçivəsində Buenos-Ayresin San Martin Sarayında Azərbaycan-Argentina biznes forumunun rəsmi açılış mərasimi keçirilib.

Trend-in Azərbaycan XİN-in mətbuat xidmətinə istinadən verdiyi məlumata görə, hər iki tərəfdən 250-dən artıq iş adamının iştirak etdiyi forumda Argentina Respublikasının xarici işlər və etiqad naziri Hektor Timerman, kənd təsərrüfatı, heyvandarlıq və balıqçılıq naziri Norberto Yahuar, daxili ticarət üzrə dövlət katibi Guillermo Moreno və Azərbaycanın xarici işlər naziri Elmar Məmmədyarov çıxış ediblər.

Natiqlər Azərbaycan və Argentinanın son illər əldə etdiyi iqtisadi uğurlarından, Azərbaycan-Argentina əməkdaşlığının intensiv xarakter almasından və geniş əməkdaşlıq perspektivlərindən danışıblar.

Forum çərçivəsində hər iki ölkənin iqtisadiyyatı və iki ölkə arasında potensial əməkdaşlıq imkanlarına dair təqdimatlar keçirilib və şirkətlərin nümayəndələri arasında işgüzar görüşlər təşkil edilib.

Xəbər lenti

Xəbər lenti