Azərbaycan, Bakı, 10 oktyabr /Trend/
Milli Məclisin deputatları Fuad Muradov və Ceyhun Osmanlı Rusiyanın Azərbaycanlı Gənclər Təşkilatının III hesabat-seçki konfransında iştirak etmək üçün oktyabrın 11-dən 14-dək Moskvada səfərdə olacaqlar.
Parlamentin mətbuat xidmətindən Trend-ə verilən məlumata görə, səfər çərçivəsində Azərbaycan-Rusiya gənclər forumu keçiriləcək və təşkilatın idarə heyətinə seçkilər aparılacaq.
Sonra deputatlarımız oktyabrın 14-dən 16-dək İstanbulda Türkdilli Ölkələrin Parlament Assambleyası tərəfindən təşkil edilmiş "Dövlətlərarası əməkdaşlığın inkişafı prosesində gənc liderlərin rolu" mövzusunda beynəlxalq forumun işinə qatılacaqlar.
Onlar konfransda müzakirə edilən məsələlərlə əlaqədar öz fikirlərini bildirəcəklər.